معرض الكتاب سمير عبد الباقى نوبة قيام كدابة

شمروخ الأرجوز
34
رد على .. عبيط ..
وزالة من غير سبب
مثقفون مستحسنون
مستأنسون .. يستأمنون .. يستكتبون
ومثقفون مستنكسون
مستكنسون .. يستفرصون .. يستنهزون
ومثقفون مستقطعون
مستنطعون .. يستصغرون .. يستلهثون
ومثقفون مستخنثون
مستلطفون .. يستنسخون .. يستحدثون
ومثقفون مستخسرون
مستسخرون .. يستنفثون .. يستلسنون
ومثقفون مستظرفون
مستتنظفون .. يستوظفون ..يستصعدون
والآخرون.؟
مستنزفون مستنفذون
مستعبدون مستحرمون
يستكفرون
يصادرون يحاصرون
إلى حدو النزف
حد الموت أو حد الجنون!!.
ميكانيزم
يجرى العجل على قد قضبانه
مهما تزيد السرعة وألا تقل
إزاى ح تهرب من قضاك وتفل
يا حصان هزيل بتعل
حتى الصهيل زى العويل مكروب
بتقطع التذكرة وترمح جهول مركوب
الدايرة هية الدايرة ولا بتتوب
سكة سفر؟ ولا القدر مكتوب؟
سرجك بيستنظرك مطرح ما تنوى تحل
سجنك وبيضيق فى جلدك ..
وعضم صدرك وزندك صلب جدرانه
متحزمة روحك لصلبانه
متقصقصة الريش أسيرة بؤس وجدانه..
الخوف قطع حبلها
والجهل فاتل حبال الموت ح يخبلها
وكلت الدنيا منك وانت مش بتكل ..
الخية ملت بتخنق فيك ولا بتمل
أخرج .. تحررها جايز
اهرم من تهاويلها ..
قوم .. اقتلها لو عايز .
الحية ما بتموتش من ديلها
والحر بتطهره جراحه واحزانه ..
تسقيه نيران الألم
تحييه يقوم من عدم
حتى لو ينهزم ..
له يوم أكيد فايز
لو يسقى حريته من دبم سبحانه !!
عصر الدكاكين
الحزب حين يصبح دكان
يبقى الإنسان
بروة صابونة بنص لسان
يا فصين توم
يتبلوا بيه الطبخات
بين الطبقات
يا يرقدوه يصبح لبخات
لكبار القوم
بعضه على بعضه يارا
قسم فرق
الكومى وياك ليه تقلق!
على رزق اليوم
تمشى ف أدب فى جنب الحيط..
لا تنط تزيط؟
تعمل لى فيها زعيط يا معيط؟
ح تقع ما تقوم!
ح يعفقوك من لباليبك
يكشفوا عيبك
يا يجننوك يحشوا ف جيبك
أكاذيب وهموم
وكل مزعوم بزعيمه
وبمزاعيمه
واللى ملك زلاعيمه
ما يحسش لوم
والعزوز وله ناس ناس
همبكة بحماس
ح يبعدوه لو كان نسناس
والحظ خروم
مجرد كدب متساوى
غضب سماوى
غشبان علينا (ربنا) – غضبه القديم
على أهل صالح أهل نوح أهل إبراهيم
علشان نسينا حقنا رضينا الهوان
وعبدنا أصنام كدابين أمخاخها طين
نسينا إنه اللى بيحكمنا .. بشر ..
من ماء مهين لا من حديد ولا من حجر
لا همة عفاريت من شياطين الجحيم
ولا صنف سوبر مان هبط لنام القمر
إحنا اللى فرعناه تمكن م الرقاب
يوماتى يبنى سور ما بينا يسك باب
يستقوى بينا علينا يحكمنا عبيد
نضعف "يزيد، فنقل ونسف التراب
واللى افترى بينسى كما بينسى الضعيف
تهنا وخلطنا بين اللى خايف والمخيف
هو بجنون القوة مرعوب فى علاه
واحنا الجناه قهراً بنجرى ورا الرغيف..
وأكم رسول والتانى يبعت (ربنا)!
يحرضونا – نفوق ونكره ضعفنا ..
لكننا كما كان جدودنا الأقدمين
ناسيين بأن ظالمنا أضعف مننا
يا خلق فوقوا وأذكروا حكم السنين
الطاغى زيه زينا من ماء وطين ..
ضعيف ولكن ضلله طبع الطغاه
أغواه يفكر نفسه (رب) العالمين
يا خلق فوقوا دا ربنا رب الكرم
ميزنا عن مخاليقه من وحش وغنم
كرامتنا بعض كرامته حق وفرض (عين)
لا دين لاظالم أو – لراضى ينظلم!
كلام حزين فى الفن
لعنة الشعر
الشعر الملعون – اللعنة
غشمية وصدفة جمعنا
فى عرف الدولة الجاهلة
زى ما إحنا فى عرف النقاد .. شعراء
أبو قرش على أبو قرشين
أصحاب .. أعداء
أحياء .. أشياء
كلنا فى الأوراق الرسمية
العلنية السرية شعراء.
أصحاب الكلمات الآيات ..
وصاحب الكلمات الصماء
بياعين الكلمات المعسولة
فنانين الكلمات المغسولة
الرايقة
اللى أشد بياضاً أم البيضاء
مكنات عد الدنانير – الكبراء
ومكنات الجنس
مكن الفهلوة والدهماء
دفاتر فواتير الاستجداء
والأساطير – الأطفال –
جناحات العصافير
وصناع العصور المستوردة
الغربان والغوغاء
أصحاب الأحجبة
واصحاب العين المكسورة
كلنا فى الصورة شعراء
بعضنا أحصنة – السنة
أصحاب معلمة معننة وخيال
وأصحاب عنعنة حرفنة
سيديهات إفتاء
أسباب عكننة،
أوتار دندنة ، شطار إغواء
قوامس هلفطة
أساتيذ هلفتة وغباء
وشيالين هم قديم
حمالين فقراء
أصبحوا شعراء
والكل يقول
ويصول ويجول ..
مقبول معقول
أو متخوف
مهبو، مخبول
معووج معدول
أو متليف
متمرد عاصى أو مسئول
فاجر وبتول/ أو متكيف ..
فى الشتا صيف
فى الصيف مبلول
فاعل مفعول .. فى كل مجال
مرفوع على طو ل/ أو متقيف
مع أى ظروف .. أو متقشف
كاسر خاطر الغول .. متعفف!
أو فارد أيده عرض وطول ..
على قد القول أو مش قده ..
كلنا شعراء –
بنعيد ترتيب الكون
فى حروف
منتوفة الريش ،
محروقة الصوف،
أو قد الشوف.!
قزمها الخوف
أو طايرة بألف جناح
بتطوف شمسها نوارة
نجمها مكشوف
أو طايلة السما
مالهاشى كسوف
بالمعنى صريح
أو بلا معنى.. !
الشعر اللعنة
حيرنا قد ما لوعنا
بكى أحلامنا وضيعنا أو لظروف أوضاعنا
أخضعنا
الشعر اللعنة – خدعنا
شل دراعنا
أوهمنا بان ربيغنا خريف
وخريفنا ربيع
اتاريه باعنا
لما أطعنا – أخضعنا
لما بارادتنا طوعنا ..
أخذنا عطاشى للكوثر ..
وعطاشى وجوى ..
رجعنا ..
غرفنا ف سراديب أطماعنا
نحتا رما بين مين رضعنا
ومين جوعنا
ومين ع الشط اللى زرعنا ..
ومين فى الريح
حلم الجعان
ثمن الحرية
نفسى ف حاكم زيينا ..
بنى آدم على قدينا ..
يمشى فى الأسواق ما يكدرناش
ما يفزعناش
بالمنعطفات التاريخية
يدفع ثمن اللى بيكسبه من عرقه
وما يسرقناش .
بمشارط خطط التنمية ..
أو لوغاريتمات المشاريع القومية الوهمية
ما يهمشناش..!
تحت حساب سياسات التسويق. .
أو تخاريف التسوية
وما يحكمناش بالرعب اللولبى
والوهمى من الأجنبى
فنسلم خوفاً لعصاية الصبى
للشوم الغبى
لبيادة حضرات الأومباش !
..
نفسى ف حاكم من أهالينا ..
يفهم حزن الرمل ف سينا ..
يقلق على صوت النيل فينا
ورعب المينا ..
يسحب قوات الأمن المركز
من كفاة قرية ومدينة ..
يصحرا لجل تحضرها
يرفع أيدها عن قلب الجامعة
يحضرها
يمسح تهاويل غبى منظرها
عن رمش عيون الأطفال
ما تخوفهاش.. !
..
نفسى حاكم إيده أمينة
يلغى المصاريف السرية
لبنود التزوير الرسمية ..
ودعم العواميد الصحفية
لشيوخ التحرير
ولصبيان التنوير
يحرك ل التقارير السرية ..
لشئون التوظيف والتجريف ولزوم التخويف..
وأوامر التوفيق ، والترقية
يكشف سر المظاريف السرية
لمؤتمرات التبرير والتمرير
وبرامج التفسير
ندوات التخمير الفنية
وسهرات الحرامية ..
اللى بتخلى العرسة
والسحلية
يلعبوا فى المخفية
يقلبوا دود المش حنفاش..!
..
نفسى ف حاكم عادى ..
يادوب بضمير وحضور
يقوم من نومه مش مأزوم
ولا مهزوم ولا مكسور
متوكل على شعبه وطهور
مش عايزه نبى ملهم ..
بيشعشع نور
ولا جان مسحور ..
يحلب لنا طور ..!
ولا يوعدنا بالبن العصفور
وأول ما يتليف / يتأيف
يتكيف ويجى له الدور،
فليفلف حاله ويلف يدور
يخمدنا رعب من الظاهر،
يرعبنا خوف م المستور!
لحد ما يلقى الفرصة
يلف السلك على رقابينا
ويعلى حوالينا السور
ويسيب الحق يموت
فى حضن الزور
ولا يرحمناش.. !
..
نفسى فى حاكم
ما يهمش مين
لا يهمنى إسمه ولا رسمه
ولا شكل بطاقته الشخصية ..
الشرط الأوحد أنه يكون .. إنسان.
عادى زى بقية البنى أدمين
له قلب وروح وضمير
بغيدين وعينين ولسان
يفهم .. يفرح .. يزعل..
ويعيط لو حزنان
يغلط .. يحزن ..
وتغرغر فى عيونه دموعه
أول ما يحس أن القهرة
اشد على الناس م الجوع
وأن تاه يسأل ..!
لو خاف ..
يحتمى بقلوب الناس ..
ولا يخجل ..
ما يلفش أوهام الدنيا ..
بأحلام الدنيا
ما يدقش بطبول الدين ..
فوق رأس الدنيا ..
ما يقسمناش ..!
ما يقلبش قلوبنا على قلوبنا
ما يضيعناش
كرامة أهله وأرضه
هى كرامته وعرضه
لا بالمليار – ولا بالبلايين
ما يفرطش ولا يبيعهاش..!
..
كفايانا يا خلق
أنا نفسى فى حاكم ..
ما يهمش مين؟
سوا قلبه يسارا أو قلبه يمين
مش دى النظرية ..
ما تحبكهاش ..
ما دام فاتح عقله وقلبه..
ما دام قدينا وزيينا ..
من باقى بقية أهلينا ..
يوقف جنبينا نقف جنبه ..
نسنده ..
نحمد ونسهل صعبه
وياه ومعاه نحميه من نفسه
وم الوسواس الخناس
ونكمل نقصه!
ونشيل عيبه وذنبه
ما دام فى أيدينا الحق – نحاسبه !
من غير ما يفرقع صواريخه
فى وش الناس
..
هذا. وإلا ..
ح يرجع تانى ويسخن سيخه ..
ويحمض م الكدب طبيخه ..
يسقينا من تانى مراره ..
تانى .. نعانى تهاويله وويله
ونعود فى حساب حساباته
همل غوغاء أوباش..!
تصفر ملامح أوراق تواريخه ..
يقطع يلنا ويردم نيلنا،
ويضيع جيلنا
وأولادنا ف قهرة من تانى يشيخوا
نحلم من تانى – بتغييره.
تانى – ويركب غيره ..
يحكم فينا اصحابه ..
تانى .. ونتلقح على ابوابه ..
تانى .. ولا ينوبناش ..
من فضلة خيره
الإدها – القشرة الحاشفة الناشفة ..
اللى ح يرميها لنا
من أقرع بطيخة ف بطيخه ..
..
ويجوز ساعتها نفهم عقدتها ..
اللى كانت واضحة زى الشمس
ولا فهمناش
أن الحرية / الحرية .
عمر ما كانت ببلاش.
حكمة به شعبية
خوط على مهله؟
وإلا المهل على خطاويك ؟
عمال تلغ فى كلام أوهام
وعامل ديك.
القصة أبسط .
وحل اللغز شئ واضح ..
والفجر فى كل شبر
قانون كذوب فاضح ..
عايز تعود مصرى ؟
ما تسوقش العبط تلاكيك!
**
ما عادتش طايق المصيبة
تقيسها على تكتيك !!.
كبير المعارين .. !

أستاذ للشيخ (زكريا) وزميل (عبد الحليم)
وكان فاضل شوية ويدرس (للنديم .. )
سهر مع (ثومه) يغيظ (عبد الوهاب)
ياما وعزم (سلامة) على طرب وكباب
وشهد له (زكى مراد) النوبى؟ .. واليهودى
أنه ف عشق البلاد سبق (سامى البارودى )
وكأن أروبه .. واعر ياما دوخ الحكومة
فاضت منه المشاعر يوم عضه كلب (ثومة)
وركب بغله مصالحه بفهلوة وبشطارة
يخلط كدبه بجوارحه ويستنى البشارة
غدر فى الغربة صاحبه الأعمى ذو البصيرة
كسر نفسه وقلبه سرق منه الفطيرة
وبرضه لسه عايش على صيته يا زمان
الكدب صبح معايش والرقص له تمن
يلعب على حبل مادة ما بين زقاق وقصر
ما فيش فى العصر قده منك لله يا مصر
ع الحجر نجمه ساطع على كل شاشة حبه ..
يلهط نازل وطاع وعامل فيها (زوربا)!
****
بطل يا ابن العبيطة نخعك على ميتين
اتزيفت الخريطة دفنتوا الحق فين
طاوع الطبع المحشش وخدها من قصيره
يبقى الكدب المنعكش للشعر بدل ضميره
واللى محكوم بخوفه الفن ما عادش حقه
يلزم حدود ظروفه لسانه يموت فى بقه
يحسبها بالمازورة ينسى المجد اللى كان
ما دام البغلة عورة وعريسها مش حصان!
دقة على باب الأمل
أنا عشت عمرى
وسط أهل الشارع
طلبه وصنايعيه
وفلاحين المزارع ..
واحلف بدينى
عمرى ما نأيت عنهم
حتى أما مت وصرت (بيه)..
مش منهم ..
قلبى ما دقش غير الحلم
أنى أكيد راجع
**
ماء الحياة
ريق عرقهم
يا مقلبين المواجع
بومبة بدون فرقعة
نصيحة يبقى لكل منكو حساباته
بنك الولد ، غير أخوة ، غير ابوه ومراته؟
خايف عليكوا الحسد .. عين الشعوب باكسة
ياللى حلبتوا الوطن م النكسة للوكسة
حتى التاريخ أما مات مصمصتوا حلماته
لكن ح يصحى أكيد .يفتح ملفاته.
فزورة ثقافية
أنت ابن تسعة ولا بطن نشاز
فنعوك بتفتى فى كل شى/ أستاذ
خدعوك فقالوا أن أنت فلتة ورمز
ومافيش سواك، عارفها خبطة حظ
آخرتها حسب اللعبة، ح تجيب جاز
إلا أن طاطيت .. خوف شكة المهماز
بقية لعنة الشعر
من جدر شجرنا بيقلعنا
مين رصد الشعر
الشعر السحر
دراسات جدوى
وجداول سعر
صبح عله
الشعر السحر / صبح لعنة
أوهام بخيال الضل تفزعنا..
هجر الأحلام ، كرة المعنى!..
...
وأحنا – الشعراء !
اللى ياما كان ، ياما كان منا،
حرافيش جدعان
ما اجدعنا – ما اروعنا ..
لا السجن ولا الموت اخضعنا
الكون على وسعه ما بيساعنا
طواغيت الأرض بتتزلزل
من إبداعنا
كان يا ما كان ..
أيام الناس / ما كانت ناس
أرواح حية ، وجدان ، إحساس
اشواقها الحرة أشواقنا
تفرزنا وتميزنا
وتصدقنا
لما من القلب بتسمعنا !

شكشة ع الماشى
عمال أدق وأخبط على حيطان التاريخ
وأنا مخى ضلم مقفل وشاط منى الطبيخ
ولسانى تعب وشقق من ريحه الفسيخ
من مر الكب ملح وأخرس من الصريخ
الغلب غرس فى قلبى أكتر من ألف سيخ
ما عادشى عارف يفرق ما بين نبى ومسيح
وغلبت أنخع وأبعبع وأفرقع صواريخ
كلام ما يجيبش همه من صغره خرع وخيخ
لا عنده قمر وشاشة ولا عندى شرم شيخ
عندكشى يا ابنى كلمة تفتح لى باب التاريخ!؟
سايق عليك الوطن
بتهبل ولا بتستهبل وإلا انت أصلاً هبلان
ع الكرسى قتيل مستقتل زى الملزوق بلبان
الدنيا يا حاج بتتغير وبتقلب حتى ف لبنان
وغذ بكره ح يفضل فى امبارح يقتلنا الخوف والزهقان
فاعقلها بالعقل يا عاقل وكفاية لف ودوران
المية أن ركدت بتعفن وبتشغى طحالب وديدان
والعجلة أن هلكت تتفزر وتفرقع غل وطهقان
قوم خلى الفرشة تتشمس نفض نفسك م الأكلان
افتح للريح شبابيك تكنس العتة كلت الجدران
الكرسى ما بيعومش بصاحبه لو يغرق يوم فى الطوفان!
رباعيات وربع
• شجر الفرح فى حضوركو يطرح الأحزان
وقدمكو يزرع صد ا القمحاية فى الأجران
يا معدومين الحساسة ظلمتوا ارض النيل
ويكل همه وحماسه قتلتم الإنسان
**
الناس بقت نخل خايخ عدمت الإمكان
• لا عدت طايق ألقح ولا أأرا عليك
كفرت بالحق واستغفرت من بلاويك
أنا اللى ياما ضميرى حمانى م الباطل
أصبحت عاطل تعيرنى الباهيم بيك
**
وانا اللى كتكوتى كان أو ما يفقس/ ديك
*
جلسة فى مسرح عرايس غاية فى الأتقان
كل الرؤوس من خشب كل الخيوط كتان
سست وسلك وسفنج مفيش حوار داير
غير عجز همه دواير ليس فى الأماكن
**
م القلب سرة بكيت لإهانة الإنسان
قابض على الجمرة ولا الجمرة قابضة عليك
مش شايف النار أنا شايف دماء فى إيديك
ضيع أهلك فى أسواق النخاسة وضعت
رجعت والخيبة ضلك كدب غما عينيك
**
دى شيبة ولا دى عيبة وعرف عيرة يا ديك
حنا عبيد العدم والصفرة غايتنا
من غدر سكك الندم نحسنا جتتننا
لو جبت فيثاغورس والهيثم وبطليموس
يغلبها خايب الرجا المنحوس وينقطنا
**
سكران بخمرتنا وبنعصر له خيبتنا!
*
فى حمض أمريكا كم برطعتى حرية
وفى العراق شيبتى عيبتى بقيتى بعثية
بتفتى دلوقتى ركبتى زبيبه ودقن
يا غريبة الشأن امتى ح تبقى مصرية
**
ربك ستر .. كم فضايح لسة مخفية!
*
عملت فيها اشتراكى وأنت ديك مخصى
مين اللى ضربك على أيدك بقيت بعثى
مأزق تاريخى لجميع المضروبين بالنفط
رباية القحط كان عريان صبح مكسى
**
كم منعطف فى التاريخ نفضلك تكون نحسى
*
أنا فى جحيم المعايش برفض
ومش قادرة روحى بجروحى تفلفص
رمانى زمان لاحتياج للديابة ..
فى غابة صبح عضمى للى يمصمص
* *
ياريتى حصاوى عشان كنت أقمص
هلاوس شاعر كبير
يا ترى أنت يا ابنى شاعر كبير
وإلا أنت فاتح دكان عصير
ع القمة صوتك بلبل مغنى
وطنك فى دمك ذمة وضمير
وكل ما الحق يجلى صوتك
شوشر عليك العدا الجعير
حصروك فى خانة الرضا القديمة
حاصروك بكدب وغشم كتير
كان شمروخك المثقف
أهبل بيروغى بلا خط سير
مع أنه وحده طايح يرفرف
والغير مقندل على الحصير
فيه إيه يا عالم يا هووه عايبنى
دانا قلبى بفتة شعرى حرير
الكل يشهد فى وشى ليه !
ويقول عليه – ماليش نظير
ليه من ورايا تلووا الشفايف
وتقولوا أصله شتام خطير
مالوهش صاحب إلا ونقده
وف كفه نكده نبوت غفير
سألت شيخ فى المحبة واعر
كلامه بلسم جراح أمير
قال لى يا إبنى: البتاع مزرجن
العقل عجن، للخوف أسير
الفكر حامض والحلم غامض
والظروف عارض والزوق فقير
أهل السياسة قلة حساسة
لقوا قعر قلة عملوها زير
كان يوم بتاعهم مكت وخدعهم
ونهار ما باعهم بقى الخبير
غراب غيطانهم ساعة يغنى
ينظروا له .. ينفع وزير ..
وإذا ناح بقرهم فى السوق ولعلع
يعطوه نيشان – يعملوه سفير
أونطة يلبس عباية رسمى
ما دام مراسلة لمليونير
فنان وخدام لاى سلطة
مفكرة الشعر م الشعير
ما دام مهاود/ وإن كان مزبلح
حشائش مصلح غشائش مكير
طول ما بيقعد على خازوقهم
على قد زوقهم مأجور أجير
كل أما يمشى مشوار يبقبض
حتى أما يغلط يلهط فطير
والماضى يفضل فانوس معلق
على خراب أزمة الضمير
حين تبقى هوجة م العلبة يطلع
عفريت مزوق بهباب وجير
لكن انت نكدى لسان ومبرد
وشك فى وشك / عمرى سمير
شاعر وفلاح مش ابن لقمة
بتحط مطرح ما تعوز تطير
أحيان يسايروك يجوز حتطمع
تلبس عممهم وتكون (نصير)
ومماينة تحجل على رجل واحدة
تحفظ الجحشة (شكسبير)
تعمل حبيبهم / ياخدوك بعيبك
تنسى عيوبهم تصبح مشير
تعيش تراضى (حزب) التراضى
إذا (سرى) تدفن عليه فى بير
وإذا (علنى) تعفيه من المناهدة
على خطة تمشى مكسور كسير
تلم نفسك للى ينافسك
ليقوم برفصك جنس الحمير
ساعتها تبقى/ يخرب مطنك
واعر محنك شاعر كبير
يزمروالك .. ويهللوالك
ويرتبوا لك منبر سرير!!
كلام من القلب
راجع لبيتك كئيب والقلب متعصر
والعمر عشته صاحب واجب ما بتقصر
مين خرط القلب هم وتبله بالخوف
بلاه بقصر النظر والشوف ما يتبصر !
**
والغربة كانت زمان فى حضنة تتمصر.
لم لم جراحك وسلم للزمن – ترتاح
عافرت ياما الليالى وما لحقت صباح
ياما حملت ف صباك تملك جناح الطير
وانت أسير معجزات الطمى يا فلاح
**
أن الأوان للجس يقنع بما هو متاح
فيه ناس عويلة كل ما تشتمها
تظن إنك غل غيران منها
وهى هايفة قليلة أصل وهشايش
حتى حشايش الأرض أطول منها
**
لكنه زمن الهزيمة نفخها عومها
رضينا بالهم طمع الهم رضى بينا ..
وكرهنا روحنا اندبحنا بسيف أهالينا
فى الصيف الساخن يزهر الشمروخ أحلاماً جديدة